شنبك اللي تفاخر به ترا اللي جابته حرمه

تصيـح تقـول يا(حرمه)،تحـسـب إنــك تعايـرنـي!!
شنبـك اللـي تفاخربه..تـرى اللـي جابـتـه حـرمـه

تصـدق كذبـتـك دايــم ،، مـبـادئ حـيـل تقهـرنـي
(نقـص عقلـك مـع دينك)،،تـرى ملـيـت هالكلـمـه

يـاجـاهـل فـتــح عيونك..يـاويـلـك لـــو تصـاغـرنـي
غضب،،تهديد،،وإستلمّه..وسمّه اللي تبي سمّه

أنـا ملـيـت مــن ظلـمـك يــا(آدم) وش تصـورنـي!!
أذا إنـي ناقصـه بعينك،،وداعـي منتهـي الحكـمـه

تـرانـي ساكـتـه بكيـفـي ،، نصيـحـه لاتفـجـرنـي
غضـب شيطـان مامـيـز ،،مابـيـن الـخـال والعـمـه

عيوبـي طيبتـي وقلبي..حنـان وشــوق يجبـرنـي
علي عكس تجي قاسـي وكلـن راضـي بسلمـه

حسـافـه وقـتـي الفايت،،تـذكّـر يــوم تِسـهِـرنـي
علـى قولـة انـا عاشـق وحـبـك صابـنـي سهـمّـه

تذكّـر يـوم لــي تـركـض ،، تـقـول يـازيـن آمـرنـي
علـى سـنـة رســول الله أشـيـل الحـمـل وآزمّــه

فرحت وقلت هذا اللـي أبـي فـي ظلّـه يسترنـي
اذا ضاقـت بـي الدنـيـا،، مـسـح دمعـاتـي بكـمـه

ابـي انسـى بـه الدنيـا وابـي بالـحـب يشعـرنـي
ابـيـه يـكـون لـــي فـرحــه اذا زاد الـزمــن هـمــه

لـكـن لـلاسـف غلـطـه وهـــم كـــذاب سـاورنــي
جزاتـي والثمـن عمري..وقتلـت بخافـقـي حلـمـه