بصرخ واقول كفايه

سلام لك ياصاحبي فالبدايه *** وعقب السلام ابنشدك ليش صديت
أبـاك تكـون صـادق معايـه *** تذكـر نهـارن فيـه دقيـــــــــــــــــــت

نقطة بدايه ولا نهايـه؟ *** واستسمحـك لـو ابسؤالـي تعدــــــــــيـت
بغيت من ماك تروي ظمايه *** وابعدتني عنك وابعـدت مارويــــت

صوتك كان لي غاية منايه *** ليـت حققـت مطلبـي وماتمنيـت
ورميت عقبك بقسم العنايه *** مافادني طبـه ولا فيـه صحْيـت

تحسب قضيه وقضية جنايه *** كنت الضحيـه ليتنـي ماتماديـت
دومي اداري رضاك ابعنايه *** شقيتني وانـت عكسـي تسليـت

والمشكله غيرك يدور رضايه *** تركت غيرك من الناس وجيـت
صارت تراها كنها روايه *** فيها أنـا روميـو وأنـت جوليـت

بس النهايه غيـر النهايـه *** هـوه أحتضاهـا وانـا تشقيـت
سواءْ معاهم كنت ولا معايه *** ماعاد تفرق !!.. وأبرقى حفيـت
بصرخ واقول كفايه .. كفايه *** تعبت من صدك ومن تجافيك مليت