({ عيب ... استحي ... والله احراج })

هذه الكلمه واجهتني كثير في تساؤلاتي
ليش عيب .. وشنو هو العيب
كان تسأولي


ليه مانقول لكل انسان نحبه انه احنا نحبه... بدون صعوبه ؟؟؟؟
مهما كان ها الشخص ...رجل او امراءه ... غريب ولا قريب ..
ليه مانقول لكل انسان نحترمه انه احنا نحترمه.؟؟؟؟
ليه مانقول لكل انسان اعطانا شي .. من نفسه او من وقته او من مجهوده ...شكرآ ؟؟؟؟
ليه مانحضن عائلتنا ... واصدقائنا ..واحبابنا..وكل انسان مهم بحياتنا؟؟؟؟
ليه ما نهدي لك انسان كان له تاثير بحياتنا ...هديه صغيره تعبر عن امتنانا وشكرنا له ؟؟؟؟

اشياء بسيطه ويمكن غبيه بنظر البعض لكنها راح تحسن كثير من نفسياتنا ..
ورغم اننا في بيئه محافظه تربى فيها الابناء على الخجل من التعبير عن مشاعرهم
والخجل منها ..بس سكوتنا عن مشاعرنا يدفنها يقتلها
يخنقها
..

....................
من ردود البعض على فكرتي ...
انهم يحضنون كل انسان يحبونه ... او يعطونه هديه بدون مناسبه .. او يقولون له ببساطه انهم يحبونه
اول شخص طرحت عليه الفكره ... عمي
سالته .. عمي ممكن تعطي احد تحبه هديه بدون مناسبه ؟؟
قال .. ما اظن والله ... احس الدعوه أحراج .. طب لو سالني ليش الهديه .. وش ارد عليه
قلت له ... قول عشان انت تحبه ... ونفسك توصله قد ايش هو مهم بحياتك
طالع فيني بأستغراب ..قام من عندي وقال من جد الاجانب خربوا عقلك ...
( الحين الحب والموده والمشاعر والتواصل خراب .... سبحانه )
المهم
رديت على خالي الثاني :
لقيته قاعد بالمجلس جلست جنبه دخلت زوجته ...قلت هلا بحبيبتي هلا والله
طالع فيني باستغراب ..شنو حبيبتي استح يا ولد
طالعت فيه ... وقلت ببساطه ايوه حبيبتي ..اش فيها حتى انته حبيبي
توقعوا وش عمل ؟؟؟
صدقوني حمر وجهه ونزل راسه ..بمعنى انه انحرج من كلامي حيل
( ليش ما ادري .... انا ماقلت شي غلط ) ولا انتو وش رايكم ؟؟؟

مسكت جدي
قلت جدي انته تحبني ؟؟؟
طالع فيني باستخفاف ..وقال اكيد ..يعني
قلت طيب عبرلي عن حبك ...انا مو مصدق انك تحبني الحين ؟؟؟
قال براحتك صدق ولا تصدق
( ما عطاني وجهه ) المهم رديت سالته جدي لو تحب كيف بتوضح لشخص انك تحبه ؟؟؟
قال احنا للأسف لو كرهنا احد نتفنن نعبر له عن مدى كرهنا له
بس لو نحبه ولا نفكر نعبر له ...ويمكن يحسب مانحبه ..
من كثر اهمالنا ...له

رديت سألت واحده من الربع ... ممكن تحضني ابوك او اخوك بدون سبب ؟؟؟

قالت .. والله انا اسلم على ابوي فوق راسه وعلى ايده واحس ها الشي كافي
وماله داعي للاحضان .. استحي
اصلآ انا ما اسلم عليه الا لما يرد من السفر ..بس
سالت وحده ثانيه ..
ممكن تهدين ابوك هديه .. وتكتبين عليها الحمد لله على وجودك في حياتي يا اغلى مخلوق ؟؟
قالت ... وربي يقول اش ها الخبال ولعب العيال ..
خليني احا فظ على كرامتي احسن لي ...يكفي اسلم عليه واسال عليه

...........
المهم
ابيكم تجابون على ها التساؤلات
اذا تحب احد ممكن تقوله انك تحبه ؟؟؟ بدون صعوبه ؟؟
لاا بصرااحة احسهاا فشييلة و ااذا كنت بااقولهاا حق صبي احس مب عدلة اني انا اللي لاازم اعترف لاازم اهو و انا اجاااوب عليه
في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟؟؟
اييي حسييتها فشييلة بصرااحة ماادري شلوون والله صعبة
ممكن تعطي احد تحبه هديه ...بدون مناسبه ؟؟ وياترى وش بيكون جوابك على تساؤله عن المناسبه ؟؟
ايي ممكن عشاان تكوون ذكرى يتذكرني فييهااا
اذا تحس ناحية شخص
بالحب او الاحترام او التقدير ..او باهميته بحياتك
وشلون بتعبر له ؟؟؟؟
من تصرفااتي
وياترى باي موقف منها ممكن تقول عيب ....استحي.. والله احراج


ملاحظه ...
المقصود بالموضوع الحب بكافة اشكاله

يلا الحين انتوا جااوبوا ع الاسئلة و ابيي راايكم في الموضوع
في الزماله والصداقه والعائله ..

اول شي عجبني هاي سطر من موضوع يا اختي الي يقول :

قال احنا للأسف لو كرهنا احد نتفنن نعبر له عن مدى كرهنا له
بس لو نحبه ولا نفكر نعبر له ...ويمكن يحسب مانحبه ..
من كثر اهمالنا ...له


اذا تحب احد ممكن تقوله انك تحبه ؟؟؟ بدون صعوبه ؟؟
احيانا اي اقوله ولا يهمني شي

في مره كان ودك تقول لا احد انك تحبه .. وبا اخر لحظه ماقدرت تقولها...وليه ؟؟؟
اي كنت بقول حق انسان غالي علي بس كنت متردد انه اهو ما يبادلني نفس شعور او ما اكون على باله


ممكن تعطي احد تحبه هديه ...بدون مناسبه ؟؟ وياترى وش بيكون جوابك على تساؤله عن المناسبه ؟؟
اي اعطي دايما هاي من طبعي .. انتي غالي وانا طيب وانت تستاهل

اذا تحس ناحية شخص
بالحب او الاحترام او التقدير ..او باهميته بحياتك
وشلون بتعبر له ؟؟؟؟

بصراحه كل شي في وقته حلو يعني ما ادري شنو بعبر بس اكيد في ذاك الوقت بقول الي في قلبي

وياترى باي موقف منها ممكن تقول عيب ....استحي.. والله احراج

لين يا خذ لي هديه وانا ماخذيت له اكيد بنحرج

واذا قالي احبك اكيد بستحي :oops:

واذا قال لي كلام حلو وااايد بقول له عيب