لمن يجرأ فقط

موضوع: لمن يجرأ فقط الجمعة يونيو 26, 2009 6:29 pm

السلام عليكم ورحمة الله وبركاته
حاب اطرح عليكم بعض الأسأله وأتمنى من الأخوان الاجابه على الاساله المخصصه للشباب ..
وارجو من الاخوات الاجابه على الاساله المخصصه للبنات..
ولا بأس بالتعليق على الأساله من كلا الطرفين..

اساله خاصه للشباب:-

1-هل ممكن تتزوج بنت كنت تكلمها من قبل؟
2- هل ممكن تتزوج بنت كنت تكلمها وتطلع معاها وو...؟
3- هل ممكن تتزوج وحده اعترفت لك انها كانت على علاقه بواحد او اكثر؟
4- هل تصارح زوجتك قبل الزواج ان كانت لك علاقات نسائيه؟
5- هل تصدق بنت قالت انها تحبك؟
6-هل يوجد حب صادق خارج العلاقات الاسريه والزوجيه؟

اسئله خاصه بالبنات:-

1- هل ممكن ان تتزوجين شاب كنتي تكلميه من قبل؟
2- هل ممكن تتزوجين شاب كنتي تكلميه وتطلعين معاه وو...؟
3-هل ممكن تتزوجين بواحد اعترف لك انه كان على علاقه بواحده او اكثر؟
4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
5-هل تصارحي زوجك قبل الزواج ان كانت لك علاقات شبابيه؟
6- هل تصدقين شاب قال انه يحبك؟
7-هل يوجد حب صادق خارج العلاقات الاسريه والزوجيه؟

اتمنى منكم الاجابات بصراااحه
في انتظار ردودكم

تسلمين اختي على طرح لكن اسالتج صج صج محرجه وصعبه

1-هل ممكن تتزوج بنت كنت تكلمها من قبل؟
ليش لا

2- هل ممكن تتزوج بنت كنت تكلمها وتطلع معاها وو...؟
اكلمه اجل اطلع معاها اجل ووو شنو ؟

3- هل ممكن تتزوج وحده اعترفت لك انها كانت على علاقه بواحد او اكثر؟
بشرط انه لم يكن بينهم اي علاقة جنسيه .. الانه في وقتنه مافي ولد مايعرف بنت ولا بنت ماتعرف ولد كل شخص لديه كذا علاقه مع جنس الاخر

4- هل تصارح زوجتك قبل الزواج ان كانت لك علاقات نسائيه؟
طبعا كل شي من البدايه اقول لها عشان ماتسمع من الغريب وصير سالفه ( نفصال ) الانه في اوادم تحب تخرب على اي زوجي سعيدين

5- هل تصدق بنت قالت انها تحبك؟
حيانا نعم واحيانا لا طبعا على حسب ظروف والموقف اقدر اصدق او لا

6-هل يوجد حب صادق خارج العلاقات الاسريه والزوجيه؟
بنسبه لي لا طبعا اذا انا متزوج ليش احب وحده ثاني غير زوجي ما اوافق اي شخص على هاي راي انه يسوي له علاقه عابره واهو متزوج

هاي رايي وتقبلوه مني تحياتي بوبتسامه

موضوع: رد: لمن يجرأ فقط السبت يونيو 27, 2009 4:24 am

1-هل ممكن تتزوج بنت كنت تكلمها من قبل؟

ليش لا اذا كانت صاقه معاي
2- هل ممكن تتزوج بنت كنت تكلمها وتطلع معاها وو...؟
ممكن اذا ماجفت فيه شيعيب

3- هل ممكن تتزوج وحده اعترفت لك انها كانت على علاقه بواحد او اكثر؟
يمكن على الوضع المراه

4- هل تصارح زوجتك قبل الزواج ان كانت لك علاقات نسائيه؟
شي طبيعي

5- هل تصدق بنت قالت انها تحبك؟
انه بنسبه لي اي
6-هل يوجد حب صادق خارج العلاقات الاسريه والزوجيه؟
لا اصلا ماعندي جرئه اكلم وحده ثانيه غير زوجتي ها الي اسويه ما عنده احترام حق الزوجه

موضوع: رد: لمن يجرأ فقط السبت يونيو 27, 2009 5:51 am

اولشي يعطيكج العافية ع الموضوع الجرئ
لآعدمنـآ هالطـرح,,

ثاني شي هااي اجاباتي>>>

1- هل ممكن ان تتزوجين شاب كنتي تكلميه من قبل؟
اي

2- هل ممكن تتزوجين شاب كنتي تكلميه وتطلعين معاه وو...؟
اصلن ماراح اطلع معاه ,,

3-هل ممكن تتزوجين بواحد اعترف لك انه كان على علاقه بواحده او اكثر؟
مافاات ماات.. ومن تااب تااب الله عليه,, فمافيه مشكلة بس اهم شي انه ترك هالشي

4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
والله هااي صعبة يعني,, بس بعد مثل ماقلت من تاب تاب الله عليه <<واصلن ما أيد انه الصبي يصارح زوجته بماضيه ,,

ماعليها من الي رااح عليهاا منه الحيين في الوقت الي ارتبطت فيه,, شخصين ماعتبر مصارحة الزوجين لبعض بماضيهم شي حكيم,,
لان رااح يكون فيه توتر اساسن.. وبيتم كل وااحد منهم في خووف وتحت تهديد ((عودة الحـب القديـم))

5-هل تصارحي زوجك قبل الزواج ان كانت لك علاقات شبابيه؟
اهو مافيه.. بس لو صار لااء<< مثل ماقلت ماله داعي نعكر صفو حياتنه بشي من الماضي
وبعدين شالهدف يعني إني اقوله؟؟

6- هل تصدقين شاب قال انه يحبك؟
لاا كلهم بياعين حجي .. والي بيكون صادق فيها لازم يثبت

7-هل يوجد حب صادق خارج العلاقات الاسريه والزوجيه؟
لااااء,, ارفضها وبشدة سواء من طرف البنت او الشاب <<تسمى خياانه مهما كاان السبب

والسموحـة ع الإطـالة,,

موضوع: رد: لمن يجرأ فقط السبت يونيو 27, 2009 7:35 am

بسم الله الرحمن الرحيم

شووكرن خيو على الموضوع يووبه

و بالنسبة لي :

ولو اني دخلت اول مرة و رديت طلعت بعدين دخلت و رديت طلعت ههههههه متردده اكتب ما اكتب و الحين دخلت و بكتب ان شاء الله

1- هل ممكن ان تتزوجين شاب كنتي تكلميه من قبل؟
اي ، ليش لا
2- هل ممكن تتزوجين شاب كنتي تكلميه وتطلعين معاه وو...؟
اصلا مستحيل اسمح لنفسي اطلع معاه !!
3-هل ممكن تتزوجين بواحد اعترف لك انه كان على علاقه بواحده او اكثر؟
قلتينها كانت يعني ماضي و الماضي ما يعني شي بالنسبة للحاضر ، يعني جوابي ايه يوبه

4-هل ممكن تتزوجين بواحد اعترف لك قبل الخطوبه بأنه كان يزني وتاب الى الله؟
ممم صراحه .. ماادري ، بس اهو تاب و الله يقول الي يتوب تنمسح ذنوبه ،، بس ما ادري

5-هل تصارحي زوجك قبل الزواج ان كانت لك علاقات شبابيه؟
أكيــد طبعا ان بخبربه بكل شي بصراحه ، لان الصراحه راحه و عندي ان لازم اصارحه بكل بكل بكل شي بحيااتي لان اثنيناه راح نمثل شي واحد مو كل واحد بجهة ياااايز يااايز =) ..

6- هل تصدقين شاب قال انه يحبك؟
يعتمد طبعا ،، مو الكل اوف كورس ! بس يعتمد على حسب الاسلوب و كل شي بحياته يثبت اصلا الواحد اذا يصدق يبين و الواحد اذا كان جذاب يبين .. و الي يمشي بدرب الله ، الله يوفقه و محد يقدر يقص عليه لو بكلام الدنيا كلها =)

7-هل يوجد حب صادق خارج العلاقات الاسريه والزوجيه؟
لاااااء لاااااء لااااااااء مستحيييل بعد ، شيبي بالغير و زوجته موجوده و نفس الشي البنت شتبي بالغير و زوجها موجود !!!!!!

موضوع: رد: لمن يجرأ فقط السبت يونيو 27, 2009 1:40 pm

تسلمووون ع اجاباتكم الصرييييييييحة و جرأتكم ويعطييكم الف عافية ع الردوود